FRANCISCO LÓPEZ(Es)
20 urte baino gehiagoko ibilbidearen ondotik, Madrilen jaiotako baina naturaz nomada den soinu-artista honen lana mundu mailako erreferente nagusienetakoa da. Biologiarenganako nahiz soinuaren berezko indarrarenganako interesa jorratuz, Lopezek izenbururik behar ez duen soinu unibertso pertsonala osatu du.
MARIA ANDUEZA (Es)
Espazio publikoan gertatzen den soinu sorkuntza aztertzeko helburuarekin sortu zen 2013an Augmented Spatiality egitasmoa. Oinarrian, hiriarekin eta urbanitatearekin elkarreraginez sortzen diren soinu sorkuntza moduak azaleratzeko gai diren espazio publikoak sortu eta eraldatzeko aukerei buruzko ikerketa da.
ANNEA LOCKWOOD (AEB)
Annea Lockwoodek Danubio ibaia soinu bidez dokumentatzen bizitako esperientzia kontatuko du. Oihan beltzetik hasi eta Itsaso beltzeraino, ibaia entzuten egin zuen lan, bidean topatu zituen ekosistemak eta haietan bizi diren pertsonen soinu eta ahotsak bilduz.
XOAN-XIL LOPEZ (Es)
2016ko urtarrilaren 20an, azken hamar urtetan hazten joan den Escoitar.org kolektiboaren web-maparen desagertze prozesua martxan jarri duen audio-ekimena abiatu zen
MICHAEL PISARO (AEB), STÉPHANE GARIN (Eus), DIDIER ASCHOUR (Fr)
1940ko hamarkadan Pierre Schaefferek, musique concrète deitu zenaren oinarri teoriko zenbait ezarri zituenetik, mikrofonoa, eta ondorioz harek jasotako soinuen paisaiak musika tresna bat gehiago bihurtu dira.
LUIS COSTA (Binaural / Nodar, Portugal)
Lehenbiziko soinua goiz lainotsu bateko ate kolpea izan zen.
Soinuarekin lan egiten duten artisauak sartu ziren gure nekazalgunean.
Kortesia, onarpena, jakinmina eta zerbitzua izan ziren gure lanabes.
Ez soilik soinua, ez soilik soinua.
